|
棋人日記 ..... 2005
2005年12月9日...星期五 McDonald's又有得換野喇!所以今日特登去McDonald's換Snoopy公仔!但最想換的Charlie Brown一早換晒，最後只是換了Lucy同Woodstock!希望第二間有喇!
2005年12月7日...星期三 今日去到試埸，差d唔識搭lift上去!哈哈!太先進了! 當收到份考試卷時，心想.....真係死得!阿sir話大熱o個d題目完全冇咩出過!!d題目都唔知佢想問咩!同學校考o個份mock卷比，真係難好多! 一開始真係唔知點樣答起，只好係問題紙上draft o下答d咩，經過絞盡腦汁後，都寫得出d野...不過就唔知答得o岩唔o岩.......好過冇答! 試完之後，d同學都話難! 不過，好開心!終於捱過左今次考試!輕鬆晒!!!!!!哈哈哈哈!!!!!
2005年12月6日...星期二 今日取了年假，準備明天的考試。 要溫書真係好慘......好慘....唉!天氣又冬!(咁o岩今日又係入冬以來，至冬的一日)好耐都未試過溫書溫到咁辛苦喇! 一日對於我來講，真係唔夠時間溫，只好Tip題目溫啦!死就死啦......
2005年12月3日...星期六 今日收到今年的第一份聖誕禮物，是Pizza送的，係一個自製的雪糕機，哈!真係知我心意。 晚上，同基去了他公司舉辦的蛇宴，他的同事很搞笑，哈哈! 但今年的蛇宴好像比起上一年的差了.............. : ( 星期三考試喇!!明天真的要開始溫習了!
2005年12月1日...星期四 今日公司為慶祝禮堂添置了兩部供職員用o既微波爐，午飯時阿主買了一些蝦、雜果涼粉....請同事食，真開心。 哈哈!好開心!昨夜Liza打俾我!好耐都沒有同她通過電話了....差不多成一年喇!傾左成個鐘電話，好開心!而且仲和她17/12有個約會........^^ !!!
2005年11月30日...星期三 今日搭巴士返工時，坐我後面個阿婆冇啦啦好大聲喊我....."阿妹呀!我想問下今日星期幾呀?"嘩o下~!我個腦都未訓醒.....實晒，完全諗唔到星期幾!諗左好耐，我就舉起2隻手指同佢講"星期二呀!"(其實我都係估估下，我真係完全唔記得今日係星期幾!個腦一片空白...............@_@) 後尾，有個阿叔聽到後就即刻話"星期三呀!".......嘩!真係瘀...!原來我記錯!個阿婆仲不斷話"哎呀!阿婆老囉!冇記性囉.....!連星期幾都唔記得囉...! 佢咁講..........我都好似係同佢一樣............... -_-" (真係羞家....!)
2005年11月29日...星期二 今天真的很忙.....很久也未試過多野做到想喊的感覺了。 今天真的很煩.....好想喊!鳴......! 明明8:30pm先收工，但佢冇啦啦好似好好人咁同我講話俾返2個鐘OT我......有冇搞錯!明明係3個半鐘!都唔知佢係咪計錯數!唔理喇，我決定照寫3個鐘OT，睇下佢簽唔簽!(但我同阿媽講，佢話....做人唔好計得咁真喎........唓!我OT都係因為要幫佢做野我先要遲走之嘛!) 8:30pm放工，落山的路沒有街燈，真的好黑.....但一路講住電話，一路落山都冇咁驚!
2005年11月28日...星期一 今日帶左尋日o係西田買的零食返公司同同事分享..... 之前同d同事每人買左一隻俄羅斯娃娃放係公司檯頭... 好搞笑!食lunch時同佢地影左好多相...........
中間白色的一隻是我的，黃色的是Rita，藍色的是嘉明的..... 我地叫她們做"B"，哈哈!好似我地o既BB仔咁，日日放工都要收返埋入櫃桶，怕人整爛! 至搞笑的是，我地成日都比較邊隻B最靚!哈哈!但經過好多o既意見調查後，好多人都話我隻靚d!hahahahahaha....... 轉左新工，已經半年了....開心的是識左一班好低B的同事，真搞笑!哈哈!!!!!.....
2005年11月27日...星期日 西田大減價....同屋企人去了掃貨!!但真係好多人......!迫迫迫.....! 超市好多野都大減價!買左好多好無畏o既零食!
2005年11月26日...星期六 好耐都未寫過日記喇!之前uhome.net執左到依家先搵到地方"搬屋"....今日原本諗住溫書，但唔知點解突然想執返正個網，再upload上網。所以搞左成日，棋棋網頁終於係26/11/2005重開喇!!恭喜!恭喜!....
2000年--6月
7月
8月
9月
10月
11月
12月
2001年--1月
2月
3月
4月
5月
6月 10月
11月
12月
|
